استعدادات الولادة القيصرية

استعدادات الولادة القيصرية

استعدادات الولادة القيصرية

استعدادات الولادة القيصرية – من أهم المواضيع الهامة للمقبلين على الولادة

خطوة بخطوة .. ازاي تستعدي للولادة القيصرية؟
يوم الولادة بيكون مليان بالتفاصيل الجديدة والي بتسبب الرهبة والتوتر ولكن مع بعض المعلومات والتخطيط بيكون اليوم أسهل بكتير
وبتقدري تستمتعي بكل لحظة من استقبال المولود الجديد وهنشرح استعدادات الولادة القيصرية.
علشان كده الدكتور حسن جعفر أستاذ أمراض النساء والتوليد واستشاري طب الجنين،
بيقدم لك مجموعة نصائح عشان تساعدك في الاستعداد بهدوء للولادة القيصرية.

استعدادات الولادة القيصرية – ما هي؟

اعداد الحقيبة:

غالبا الأم اللي بتولد طبيعي بتقعد في المستشفى يوم أو اتنين بالكتير ولكن اللي بتولد قيصري بتحتاج وقت أكتر بيتراوح من يومين إلى 5 أيام حسب حالتها الصحية.
علشان كدة وقت إعداد الشنطة هتكوني محتاجة اختيار ملابس مريحة للإقامة في المستشفى،
ومهم ان الملابس دي تكون بزراير أو سوستة أمامية علشان تكون سهلة وقت الرضاعة الطبيعية.
بما اننا داخلين على الشتاء افتكري الشرابات القطن،  وبعض الأدوات التجميلية اللي هتساعدك تكوني في حالة نفسية أفضل زي معجون الأسنان وصابونة وغسول الوجه وكريم مرطب وماكياجك.
أما بالنسبة لطفلك فحضري له ملابسه الجديدة والبامبرز والشامبو والزيت المرطب.

التحضير للجراحة:

على الرغم من ان الاجراءات الطبية بتختلف من مستشفى للتانية،
بس في خطوات عامة بتتطلب منك قبل العملية بيوم منها تحاليل الدم والبول للتأكد من نسبة السكر والهيموجلوبين في الدم.
وكمان هيطلب منك طبيبك تصومي عن الأكل والشرب لمدة من 8 : 12 ساعة قبل الجراحة.

دخول المستشفى:

بمجرد وصولك إلى المستشفى، هتسجلي الوصول وتعرفي رقم غرفتك وبعدها هتلبسي ملابس العملية.
كمان الأطباء هيراجعوا حالتك الطبية وسجلك الطبي، بعدها هتزورك الممرضة علشان تاخدي حقنة شرجية وطبيب التخدير هيزورك مع طبيب أمراض النساء للتأكد من نتائج التحاليل والتخطيط للولادة .

القيصرية:

حان وقت القيصرية .. هتصطحبك الممرضة لغرفة العمليات وممكن زوجك يكون معاكي حسب رغبته وحسب الاتفاق مع طبيب أمراض النساء مسبقا.
بعد التخدير سيتم إدخال قسطرة لتصريف البول أثناء عملية القيصرية، لو كان اختيارك تخدير جزئي (ودي طريقة بيفضلها كتير من الأطباء حاليا علشان الام تشوف مولودها فور الولادة) هتكوني صاحية وقت القيصرية ومش هتشعري بألم بعد الولادة.
لو كان تخديرك نصفي الدكتور هيسمح لك تشوفي مولودك أول ما يخرج وهتسمعي أول بكاء له، بعدها هتاخده الممرضة لتنظيفه من الدم.

غرفة الإفاقة:

بعد انهاء طبيبك للجراحة هتخرجي على غرفة الإفاقة وهيبدأ الإحساس تدريجيا بأصابع قدميك، ولكن كتير من النساء بيشعروا في الوقت ده بالألم نظرا لانخفاض تأثير التخدير.
هنا لو كان الألم غير محتمل ممكن تطلبي من الممرضة المساعدة وهتقدم لك المسكن المناسب لحالتك، في الوقت ده بيسمح لزوجك بزيارتك وقد يسمح لك بمرافقة المولود في نفس الغرفة وقد يسمح لك بارضاعه.

الرضاعة الطبيعية:

أمهات كتير بيشكوا من عدم قدرتهن على إرضاع المولود طبيعيا بعد القيصرية،
لكن لو طبيبك أعطاك حقنة مخدر الايبودرال فانت هتكوني قادرة على الرضاعة الطبيعية لان مفعولها بيكون طويل ومش هتشعري بالم في الساعات الأولى، أما لو كان مخدر مختلف تقدري تطلبي من الممرضة مساعدتك باخبارك عن وضعية رضاعة مناسبة لك وغير مسببة للألم.

الزيارات:

غالبا ما بتكون الأم عصبية بسبب التخدير والألم، علشان كدة لا يفضل الزيارات العائلية للأم والمولود في نفس يوم الولادة، علشان تحصل على قسط كافي من الراحة.

وقت الانتعاش:

في خلال 24 ساعة من الولادة، هيتم إزالة القسطرة والوريد وسوف يتم مساعدتك خارج السرير حتى تتمكني من المشي والتنقل.
وده أمر مهم لدورتك الدموية وتقليل خطر تجلط الدم. وعلى الرغم من أنه هيكون صعب في البداية،
إلا أن الوقوف والمشي هيساعدوكي على الشفاء بسرعة أكبر.
اعتمادًا على معدل الشفاء، قد تسمح لك الممرضة أيضًا بالاستحمام ما تكوني قادرة على الحركة.
احتمال تلاقي نفسك جعانة بمجرد ما تبدأي في الحركة لكن يفضل تلتزمي بطعام المستشفى لأنه بيكون معتمد على نظام غذائي سهل الهضم،
مهم انك تعرفي ان الغازات في الوقت ده دليل على عمل الأمعاء بشكل جيد.

تقدروا تعرفوا مواعيد الدكتور من صفحة المواعيد

وممكن تبعتوا أي سؤال للدكتور على البوست على صفحة الفيسبوك

احجزي استشارة في مركز د. حسن جعفر لصحة المرأة واسألي في كل الي يجي على بالك.
مركز د.حسن جعفر لصحة المرأة – ٣٠ شارع مراد الجيزة

صفحة المركز على فيسبوك: مركز دكتور حسن جعفر لصحة المرأة
تليفون 01096884814

كمان تقدروا تقروا مقالات زي دكتور أمراض وراثية – متى يتم زيارته؟ و الصيام أثناء الحمل

Share this post

Leave a Reply